|
AGOOSTo 17, 2007:
WAA MAALINTII XASUUUSTA SULTAN HURRE IYO QAYRKIIS
(SHHRF 0092/2007, 13 August
2007)
(Nuqul
Soomaali )
AGOOSTO
17, 2008 waa sannad guuradii 5aad ee ka soo wareegtay dilkii foosha xumaa
ee Sultan Hurre, oo ahaa aqoon yahan doonayey inuu gacan ka gaysto wanaagga
dalkiisa hooyo, gaar ahaan gobollada Puntland uu ka soo jeeday. Sida uu Col.
Cabdullahi Yusuf ka qirtay maxkamada London ku taal waxaa Sultan Hurre
khaarijiyey mid ka mid ah ilaalada gaarka ah ee Cabdullahi Yusuf. Waxaa
ayana qaabkaas oo kale loo dilay Farax-dheere 2002, iyo Cabdiraxmaan Caydiid
1984. Waxaa raggaas oo dhan ka dhaxeeyey oo kaliya inay ka soo horjeedeen
siyaasadda gurracán ee Col. Cabdullahi Yusuf.
Suldan
Axmed Hurre waxaa la aaminsanyahay inuu u dhintay dil ama khaarajin
siyaasadeed, ficil ayaantaan dambe ku soo siyaadaya Soomaaliya. Maalmo ka hor
qoraalkaan marka la soo saaray ayay ahayd markii adduunku ku naxay dilkii
Cali Imaan Sharmarke iyo Mahad Axmed Cilmi- labo suxufi oo caan ahaa, oo
midna maamule ka ahaa Idaacadda Capital Voice, midna ahaa la-mulkiile
Idaacadda Horn Afrique. Waxay ahayeen laba nin oo aad loogu baroor-diiqay.
Sanad in ku dhow baa ka soo wareegtay dilkii foosha xumaa ee Cabdulkadir
Yaxya, aqoonyahan ku can baxay raadinta nabadda, nasiibdarrase lagu hor
toogtay xaaskiisa. Dilalkaas oo dhami waxay ka turjamayaan caqli xumada
manta Soomaaliya taal oo ku dhisan ka takhalus ciddii aad is-qabtaan.
Agoosto 17, waxay ku gashay
taariikhda maalinta loo baroor diiqo aqoonyahannada iyo dadka magaca leh ee
nabadda jecel loona dilay sababo siyaasadeed. Waa lagama maarmaan inaan wada
dhaleecayno dilalka siyaasadeed. Waa muhiim in la yaraahdo MAYA in dad inta
barqo la dilo ciduna wax ka qaban ama aan xitaa la baarin. Waxaan si culus u
canbaareyneynaa gaboodfalyada ka socda Xamar iyo meelo kale ee Soomaaliya.
Waxaa
dad kooban ee ka socda gobollada Puntland ka wadaan London xaflad la yiri
waxaa lagu xusayaa 8 guuradii samaynta Puntland. Ku aaddinta maalintaas 17ka
Agoost waxaan u aragnaa meelka dhac. Waxaan leennahay miisaan ha la saaro
xumaanta iyo samaanta mamulka Puntland iyo taariikhdiisa.
Soomaalida
oo dhan waxaan ka codsanaynaa inay 17ka Agoosto u xasuustaan maalintii
aqoonyahan loo dilay fikirkiisa iyo siyaasadda uu aamminsan yahay. Waxaan
idinka codsanaynaa inaad dareenkiinna u cabbirtaan maalintaas siyaabo kala
duwan, hal hayskeennuna waa “Maya dhaqanka is-khaarajinta
siyaasadeed”..
Sultan Hurre Human Rights Focus (SHHRF)
www.suldanhurre.org
|
