Maalintii Xasuusta ee Suldaan Hurre
(SHHRF 0054/2005, 17 August 2005 )
(Nuqul Soomaali)

Agoosto 17keedu 2005 waa sannad guuradii 3aad ee dilkii Suldaan Axmed Maxamed Hurre, oo dilkiisu astaan u noqday Somalidii loo dilay sababo siyaasadeed ama waxay ay aamminsanyihiin. Suldaanka qaaliga ah waxaa lagu dilay toogasho af-galis ah tuulada Kala-bayr ee ku taal gobollada Puntland taariikhdu markay ahay 17.8.2003. Waxaa Col. Cabdullahi Yuusuf Maxkamadda Sare ee London u ka qirtay in ilaaladiisu dishay suldaanka. Cabdullahi oo horay u dafiray inu wax ka ogaa dilka Suldaanka iyo meesha lagu dilay midna.

Col. Cabdullahi, oo hadda lagu magacaabo madaxweynaha dawlad aan caga dhigan ee lagu soo unkay Nairoobi, wuxuu markaas sheegnayey madaweyne lagu muransayahay ee Puntland. Inkiraaddiisa ka sokow, waxaa la xaqiijiey in Cabdullahi uu joogay meel qaylo ka gaarto goobta suldaanka lagu dilay uuna hogaaminayey hawlgalka lagu dilay Suldaan Hurre.

Dilalka siyaasadeed ee noocaan ah hore ayey uga dheceen aagga Puntland iyo meelo kale ee Somalia. Farah Mohamed Said (Farah Dheere) oo ahaa ganacsade caan ah waxaa Garoowe ku dilay isla ilaalada Col. Cabdulaahi. Waxaa ayana xusid mudan dilkii siyaasiga caanka ah ee Cabdiraxmaan Caydiid ee Dire Dawa 1985. Waxaa la aaminsan yahay in ilaalada Cabdullahi ka takhalustay siyaasigaas oo markaas ay Cabdullahi ahaayeen rag siyaasadda isaga soo horejeeda, iyagoo ka tirsan maamulkii Jabhadda Badbaadada Qaranka Soomaaliyeed (ama marka la soo koobo SSDF) ee Cabdullahi guddoomiyaha ka ahaa.

Iyadoo diiwaanka Cabdullaahi yahay mid saas u madoow, ayaa nasiib darro Somalidii isugu tagtay Kenya 2004kii u dooratay madaxweyne  ku meel gaar ah.

SHHRF waxay hore u oddorostay in ay Somaliya ku soo fool leedahay colaad cusub oo u dhiganta tii 1991kii ee ay hogaaminayeen saraakiil hubaysan oo doonaysay in xoog iyo awood dagaal ku xalliso xasarad siyaasadeed ee markaas ka aloosnayd Soomaaliya. Waa nasiib darro ayadoo la xasuusto wixii dhacay in laga fursan waayo ku celinteeda. Midda kale, in Col. Cabdullahi diyaarinayo dagaal uu ku qaadayo ragga ay dhanka siyaasadda isaga soo horjeedaan ee jooga konfurta Somaliya waa mid aan cidna ka qorsoonayn.

SHHRF waxay dhaleeco dusha uga tuuraysaa in xabbad iyo dad layn loo isticmaalo si loo gaaro yoolal siyaasadeed. Waxaan adduunka iyo Somalidaba xasuusinaynaa in hogaamiyaha  lagu soo magaabay Nairoobi uu hore uga takhalusi jiray ciddii ay is-qabtaan, haddana uusan caano u kabban inuu mar kale sameeyo camalladiisi hore.

Waxaan ku boorrinaynaa Somalida, bulshada caalamka iyo hay’adaha xaquuqul insaanka inay u fiirsandaan ficillada kaligtalisnimada ah iyo tacaddiga Col Cabdullahi u tafaxaydanyo.

Maya dil siyaasadeed, maya dil aqoon yahan maya dil indheer-garad. Maya dhiig Somaliyeed oo daata.

Sultan Hurre Human Rights Focus (SHHRF)